Gramè Deskriptif Kreyòl Ayisyen an

« Gramè deskriptif kreyòl ayisyen an se yon zouti tout moun ki ap reflechi sou ansèyman, deskripsyon ak analiz kreyòl ayisyen an dwe posede. […] Se yon jefò apresyab kòlèg lengwis Jockey Berde Fedexy founi kominote edikatif ayisyen an lè li ofri yon zouti konsa. Gramè deskriptif kreyòl ayisyen an se yon liv enteresan e enpòtan pou devlopman didaktik kreyòl ayisyen an […]. Liv la vini nan yon bon moman, yon moman kote Inivèsite Leta Ayiti avèk kèk lòt enstitisyon mete Akademi kreyòl ayisyenan sou pye. Li vin konble yon gwo vid kote pwogram nouvo segondè Leta ap esperimante a bezwen zouti pou mete nan men elèv ki ap fini etid yo. Li ap itil tou nan domèn ansèyman kreyòl nan inivèsite an Ayiti. » Renauld Govain Fakilte Lengwistik Aplike Inivèsite Leta Ayiti